Панорамско снимање на заби
Што претставува панорамското снимање на заби?
Панорамско снимање на заби (панорама на заби) е дводимензионално смимање на целата усна празнина со само една снимка. На панорамската снимка се опфатени сите заби, горната и долната вилица, темпоро-мандибуларниот зглоб, како и околните ткива и структури.
Многу заболувања на забите и на околните ткива не се видливи при стандарден преглед, па заради тоа се потребни рентгенски снимки кои помагаат да се откријат:
– кариес меѓу забите или кариес под постоечките пломби;
– инфекции во коската;
– пародонтална болест;
– абсцеси или цисти;
– аномалии во развојот;
– некои типови на тумори.
Дијагностицирање и третман на денталните проблеми во рана фаза заштедува време, пари и непотребна непријатност.
Колку често треба да се прават рентгенски снимки зависи од повеќе фактори: моменталната состојба на Вашето орално здравје, Вашата возраст, ризик за одредени болести, присуство или отсуство на знаци и симптоми на некое орално заболување и сл. На пример, кај децата некогаш се потребни почести рентгенски снимки отколку кај возрасните, бидејќи нивните заби и нивната вилица се сè уште во развој. Исто така, забите кај децата се посклони кон развивање кариес отколку возрасните (од повеќе причини). Стоматологот, врз основа на повеќе параметри, одредува дали и кога Ви се потребни рентгенски снимки.
Колкаво е зрачењето при панорамско снимање на заби?
Зрачењето со нашиот најнов дигитален панорамикс е минимално во споредба со секојдневното зрачење на кое сме изложени без наш избор – зрачење од земјата, сонцето, радиоакивни елементи од природата итн.
Зрачењето при панорамско снимање е прилагодливо според возраста на пациентот, поради што е безбедно и за деца.
Колку време трае панорамското снимање на заби?
Панорамското снимање на заби трае помалку од 1 минута и снимката ја добивате веднаш. Не е потребно претходно закажување.
Контраиндикации
Снимањето не е дозволено за бремени жени.
